{ SKIP }
文:MenClub 波特先生  圖:互聯網
POSTED ON 16 Aug 2017


相信如果你係有番咁上下資歷嘅球迷,一定見識過美國「夢一隊」嘅實力,單睇呢支球隊嘅陣容,如果你係對手基本上都真係想投降,因為根本佢地位位都係超級巨星,都係當時NBA各支球隊入面嘅領軍人物,可以話呢支球隊絕對係歷史上最強大嘅球隊。




美國「夢一隊」嘅陣容有12人,其中包括:

中鋒:Patrick Ewing、David Robinson

大前鋒:Charles Barkley、Karl Malone、Christian Laettner

小前鋒:Larry Bird、Scottie Pippen、Chris Mullin

分衛:Clyde Drexler、Michael Jordan

控衛:Magic Johnson、John Stockton



而當你可以派出以下呢套正選陣容,我諗真係無一支球隊可以夠打。

中鋒:Patrick Ewing

大前鋒:Charles Barkley

小前鋒:Larry Bird

分衛:Michael Jordan

控衛:Magic Johnson




最終,呢支「夢一隊」喺1992年奧運以虐殺嘅實力8戰全勝拎到金牌,實力強大得就算喺現今比你隨意搵12位NBA球星黎組隊同佢地打,感覺都真係無得打。


而正正因為呢支球隊組成嘅12人已經非常強大,所以有部份極具實力嘅球員亦未能進入呢支「夢一隊」當中,其中包括一啲名字響噹噹嘅球星。



以下為當年未能進入「夢一隊」嘅遺珠:

1、O’neal


作為NBA最具統治力嘅中鋒,O’neal係1992年嘅新秀狀元,佢喺6月嘅時候被選加入NBA,所以8月舉行嘅奧運美國隊理論上係可以揀佢的,但係由於佢未喺NBA證明自己,所以佢落選都好合理。不過,其實Christian Laettner都係岩岩加入NBA嘅新秀,只不過當時嘅佢係NCAA最強嘅球員。之後如果睇番O’neal新秀賽季場均可以拎到23.4分13.9籃板3.5封阻,其實當時美國隊絕對係應該揀佢入選的,咁樣「夢一隊」嘅內線將會更加恐佈。



2、Reggie Miller


Miller絕對係NBA最偉大嘅三分射手之一,佢喺1991-92球季場均可以拎到20.7分,但係對比當時嘅兩位入選分衛,Miller確實係被比下去的,所以入唔到選都係正常的。



3、Isiah Thomas


作為控衛嘅「微笑刺客」其實絕對值得入選的,佢貴為1989及1990年嘅活塞奪得總冠軍嘅領軍人物,並且係1990年嘅總決賽MVP,但係由於佢同Jordan嘅關係唔好,所以最終佢未能進入「夢一隊」。



4、Dennis Rodman


Rodman擁有極強嘅籃板球及防守能力,1991-92球季佢先岩岩場均搶到18.7個籃板成為聯盟嘅籃板王,但係由於佢嘅進攻能力不濟,所以綜合能力上比唔上Barkley同Malone,所以最終落選。



5、Tim Hardaway


1991-92球季場均交出23.4分10助攻,並成功入選年度最佳二陣,其攻擊力同助攻力都相當出色,只可惜當時有Magic同Stockton在,基本上控衛真係可以專心助攻,所以Hardaway嘅攻擊力並唔太用得上。

6、Larry Nance


Nance喺1991-92球季憑住場均3次封阻入選年度最佳防守二陣,其防守力絕對係獲得肯定的,不過當時嘅佢已經33歲,再加上呢支「夢一隊」入選嘅球員都係攻守兼備的,所以進攻較為遜色嘅Nance就無法入選了。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024