{ SKIP }
文:MenClub 波特先生  圖:互聯網
POSTED ON 26 Jan 2018

做運動可以話係一把雙刃劍,適當嘅運動可以令你身體更強壯更健康,但係做運動同時亦帶有受傷嘅風險,其中「拗柴」可以話係做運動時一種最經常出現嘅受傷。雖然「拗柴」好常見,可能抖1-2個星期已經無咩事,但係如果你睇輕嘅話可能會後患無窮。

「拗柴」亦即係腳踝扭傷,通常都會出現喺一啲需要不斷變向或起跳嘅運動,當中就以籃球及足球最常出現。相信唔少朋友都應該試過「拗柴」嘅痛,最容易出現嘅就係當跳起落地嘅時候,踩落一啲突起嘅野,好似對方嘅腳面或凹凸不平嘅場地,當場你就痛到跌落地下,捉實自己受傷嘅腳,然後個人會不斷標冷汗,要好幾分鐘先可以平靜落黎,然後再去睇跌打。例子就好似2017年NBA季後賽馬刺vs勇士嘅第一戰,Kawhi Leonard出手後不幸踩落Zaza Pachulia的腳面,最終出現嚴重扭傷。
較輕微嘅「拗柴」可能好快可以消腫唔痛,但係較嚴重嘅就真係唔可以掉以輕心啦。嚴重嘅拗柴你可能會去睇跌打,又或者去照X光,以防出現骨折,如無骨折大多數人都會慢慢等紅腫消退,然後見無咩痛就覺得已經完全好番。不過,其實無骨折唔代表病情輕微,因為韌帶扭傷,X光係照唔到的,所以掉以輕心將可能帶黎嚴重後果。

最容易出現嘅情況係,你唔知韌帶已經受損,然後你當消腫後就繼續去跑步、去跳,咁樣只會令韌帶傷上加傷,好容易會出現第二次嘅扭傷。重複令腳踝受傷,好可能會導致關節鬆弛、移位,更甚可能會出現變形,腳踝可能會持續出現疼痛,嚴重嘅未來可能會影響日常走路嘅情況。
 
如果唔想情況惡化,當你「拗柴」之後就一定要留意,好好等待受傷位置痊癒,如果之後再出現「拗柴」就要細心留意下會唔會係自己某一啲動作錯誤或過度使用腳踝。另外,適當強化腳踝肌肉將可以減少再次受傷嘅機會,以下影片嘅動作將可以有效加強腳踝肌肉。
CAPCOM日前在Summer Game Fest活動上,正式公開《生化危機》系列最新作《生化危機9 安魂曲(Resident Evil Requiem)》,玩家將會扮演全新女主角重返浣熊市(Raccoon City),預計2026年2月27日登陸PC、PC5、Xbox Se ...
hobby
【電玩】《生化危機9 安魂曲》公開首部預告!2026年2月扮演新女主角重返浣熊市
09 Jun 2025
由Dakota Johnson、Sydney Sweeney、Isabela Merced主演嘅《Madame Web(蜘蛛夫人)》在去年上映後,票房同口碑雙雙仆直,花費高達8,000萬美元製作但全球票房僅收1億,而喺「爛番茄」上更只有11%新鮮度及53%影迷評分 ...
hobby
【影視】Dakota Johnson將《蜘蛛夫人》失敗歸咎於電影公司高層:這不是我的錯
07 Jun 2025