【夢幻組合】費達拿&拿度聯手組最強雙打！

文：MenClub 波特先生　　圖：互聯網
POSTED ON 25 Sep 2017

目前世界網壇世界排名，「泥地王」拿度排名第一，「瑞士天王」費達拿則排名第二，兩位超級球手今年重拾佳態，各自奪得四大滿貫中的兩項錦標，其中拿度奪得法網及美網，而費達拿則奪得澳網及溫布頓冠軍。

當大家期待住費、拿二人喺年終賽再次對上之際，佢地兩個就參加左今年首度舉行嘅Laver Cup。LaVar Cup係一項全新嘅比賽，比賽分開兩支球隊：歐洲隊及世界隊，每支球隊有6名球員，雙方將會分開三日進行單打及雙方嘅對決，其中包括9場單打及3場雙打。

而咁岩費達拿同拿度都係歐洲人，所以佢地兩個將罕有地成為隊友為歐洲隊出戰，而就喺其中一場雙打比賽，費達拿同拿度更組成「夢幻組合」出戰，網壇最強二人組就此誕生，真係打機都無得咁揀！當然兩位球手都係打開單打，默契上存在唔少問題，但係佢地嘅個人能力對方難以匹敵。雖然雙方兩局打成1：1需要以「搶十」黎定勝負，但係「費拿組合」喺「搶十」表現出色，最終以10：5拿下「搶十」，取得勝利。

除左呢場雙打之外，費達拿另外仲分別出戰左兩場單打，而兩場單打都取得勝利，拿度則分別出戰2場單打及1場雙方，但係單打只係拎到1勝1負，雙打亦都落敗，表現並未如理想。不過，最終歐洲隊仍然以15：9嘅分數擊敗世界隊，取得首屆LaVar Cup嘅冠軍。