【飲水思源】沙拿拒絕獎勵：「拿去幫我家鄉的人吧！」

文：MenClub 波特先生　　圖：互聯網
POSTED ON 23 Oct 2017

今年夏天，利物浦成功從羅馬手上引進「埃及美斯」沙拿，而呢位左腳球員目前喺利記嘅表現亦算唔錯，10場正選上陣比場下交出7入球2助攻。而除左球會層面嘅比賽外，沙拿喺國家隊嘅表現更加出色，佢帶領埃及國家隊喺世界盃外圍賽提前一輪奪得小組首名，自1990年前黎首次晉身決賽週，成為國家英雄。

埃及能夠提前一輪殺入世界盃決賽週，沙拿喺第5輪賽事可以話係球隊嘅第一功臣，佢成功個人梅開二度，其中包括賽事最後補時階段嘅12碼，最終協助球隊以2：1擊敗對手。

對於沙拿表現出色，有唔少人都將佢推舉為國家英雄，更有埃及富豪為左感謝沙拿，竟然自掏腰包送一層豪宅給他。對於呢份厚禮，沙拿已經婉拒左，佢更向送禮嘅富豪建議將呢一舊錢捐比沙拿嘅家鄉。

現年25歲嘅沙拿今夏以3900萬鎊轉投利物浦，其週薪達到12萬鎊，一年人工大慨為624萬鎊，外加其他獎勵條款。雖然沙拿作為職業球員，應該不愁衣食，但當一份厚禮送上門，試問能夠拒絕嘅有幾多個？但係沙拿就可以拒絕，兼且希望呢舊錢可以去幫有需要嘅人，呢份愛心真係令人敬佩。

其實目前沙拿家鄉已經有學校及青年中心以沙拿呢位國家英雄的名字命名，如果個位富豪最終真係將豪宅嘅錢捐比呢個地方，相信佢地一定會更加感謝沙拿，正所謂飲水思源就係咁解！