【首圈出局】「火箭」奧蘇利雲爆冷不敵17歲中國小將！？

文：MenClub 波特先生　　圖：互聯網
POSTED ON 31 Oct 2017

較早前，著名桌球手41歲嘅「火箭」奧蘇利尼成功帶傷贏得英格蘭公開賽，正以為佢狀態大勇可以繼續挑戰冠軍嘅時候，卻突然喺岩岩展開嘅中國舉行嘅國際錦標賽首圈出局，令唔少球迷相當失望。

喺英格蘭公開賽，「火箭」雖然因腳掌有傷而申請著黑色波鞋參賽，但係最終佢卻成功殺入決賽，並以9：2大勝年輕嘅同胞球手Kyren Wilson，奪得賽事冠軍。而黎到國際錦標賽，奧蘇利雲首圈面對黎自中國嘅17歲小將顏丙濤，而雖然「火箭」大過顏丙濤24歲，經驗上毫無疑問大幅拋離，但係估唔到呢位中國選手表現驚人，Cue Cue到位，完全唔比「火箭」任何機會，最終以6：1大勝呢位前世界一哥。

對於顏丙濤大勝自己，「火箭」認為對方今仗打出的表現堪比其當年的競敵享特利及希堅斯，而如果顏丙濤能夠繼續保持今仗嘅表現，「火箭」相信佢將難以被擊敗，並且會喺未來贏下多個賽事錦標。

雖然成功大勝奧蘇利雲，但係顏丙濤並無自滿，佢認為自己仍然有好大嘅主步空間，特別係自己嘅穩定性，佢今日能夠擊敗世界前16位嘅選手，但下仗佢可能就會落敗。其實顏丙濤嘅問題對於一眾年輕選手黎講都係需要學習的，保持穩定性往往就係最難嘅事情，如果佢能夠做到，咁佢好大機會成為下一個丁俊暉了。