{ SKIP }
文:MenClub 波特先生  圖:互聯網
POSTED ON 22 Nov 2017

如果講起近10年嘅瑞典足球球星,相信10個有10個首先都必定會諗到「呂布」伊巴謙莫域,呢位目前效力曼聯嘅前鋒絕對係瑞典足球歷史上最偉大嘅球員之一。伊巴謙莫域單係計瑞典球員入面有幾強?佢由2007年至2016年連續10年都拎到瑞典足球先生,再加埋2005年嘅話,「呂布」生涯一共拎左11次瑞典足球先生。

不過進入2017年,伊巴謙莫域已經36歲,而早喺2016年歐國盃之後佢亦都已經退出國家隊,專心球會嘅比賽。雖然「呂布」喺球會嘅表現依然出色,但係少左國家隊嘅加乘,今年嘅瑞典足球先生一獎終於迎來易主!
成功從伊巴謙莫域手中搶走瑞典足球先生嘅球員,就係目前效力俄超球隊卡斯洛達嘅格蘭基斯特(Andreas Granqvist),呢位32歲嘅中堅目前為瑞典國家隊嘅隊長,而喺佢嘅帶領下,瑞典成功喺世界盃附加賽兩回合計1:0擊敗強隊意大利,順利殺入明年嘅決賽週。就係憑住呢張對於國家黎講最重要嘅成績單,格蘭基斯特成功獲得瑞典足球先生呢份榮譽。
伊巴謙莫域今次失落瑞典足球先生,可以話係一個時代嘅終結,要知道佢11次奪得呢個獎項係瑞典歷史上最多的,其他曾經奪獎嘅球員(eg. 軒歷拿臣)最多都只係兩次,所以可以想像得到呢位神塔嘅統治力有幾恐佈。
雖然失落瑞典足球先生,但係伊巴謙莫域都拎到瑞典最佳進攻球員獎,可以話係一份安慰。
由Sydney Sweeney及Glen Powell主演嘅愛情喜劇《Anyone but You(真的狠愛你)》,在2023年聖誕檔期上映後大受歡迎,最終全球斬獲2.2億美元票房。其中一大賣點當然係兩人之間火花四射嘅化學反應,甚至一度被外界認為 ...
hobby
【影視】Glen Powell前女友爆分手內幕 不滿《Anyone But You》借緋聞宣傳手法
11 Jun 2025
繼公布哈利、妙麗及榮恩選角後,HBO劇集版《哈利波特》再揭曉9名演員人選,當中包括馬份父子,以及哈利嘅姨媽姨丈德思禮夫妻。 各位哈迷應該記得有,當哈利波特父母被殺害後,鄧不利多就將仲係BB仔嘅哈 ...
hobby
【影視】HBO劇集版《哈利波特》再揭9位選角!新版馬份父子、德思禮夫妻曝光
10 Jun 2025