{ SKIP }
文:MenClub 波特先生  圖:互聯網
POSTED ON 19 Mar 2018

火箭目前勝率高達8成,戰績排名全聯盟第一,甚至強於勇士都要落後佢地3場勝差,可想而知呢支德州勁旅今季有幾勁。有咁好嘅戰績,Chris Paul同James Harden能夠產生化學作用係關鍵之一,但係背後真正功臣就絕對係主教練Mike D’Antoni。

現年66歲嘅D’Antoni教練人稱「跑轟大師」,佢可以話多年前已經走在前線,將擁有Steve Nash、Amar'e Stoudemire等嘅太陽調教成「快打旋風」式嘅球隊,成為聯盟球風最賞心悅目嘅球隊之一。
不過,其實D’Antoni並唔係只係得「跑轟」一招,佢仲收埋唔少戰術久唔久就拎出黎一招攞你命。好似今日火箭面對木狼,D’Anthoni設置左一個戰術,係精彩到連Chris Paul都忍唔住大讚。
喺比賽第二節初段火箭一次進攻中,射手Ryan Anderson企喺三分線弧頂,而Chris Paul則喺右邊低位拎球。呢個時候,Eric Gordon就帶防守住佢嘅Derrick Rose遊花園,並好似想利用Anderson做擋一樣,但原來Gordon自己先係做擋個個,佢繞過Anderson後走到Karl-Anthony Towns面前卡位,而Rose又黎唔切反應所以又一直痴住Gordon,最後Anderson移後接應CP3嘅傳球空位命中三分球。不過睇番慢鏡,其實最精警嘅係Anderson有一下好似不經意咁推左Towns一下,就係呢一下佢爭取到更多嘅空位。
完成呢個戰術後,頭先一直等待機會傳球嘅CP3都忍唔住向場邊嘅D’Antoni示意呢個戰術真係無得頂呀!
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025