{ SKIP }
文:MenClub 波特先生  圖:互聯網
POSTED ON 13 Apr 2018

如果喺四季之前有人講76人會喺2018年打入季後賽兼取得超過50勝,我諗應該都真係無人會信,甚至以為你講緊笑話。不過黎到今日常規賽完結,76人已經贏得52勝,並且以東岸第3位殺入季後賽,而當中令呢支東岸多年嘅魚腩起死回生嘅主要係兩位球員,佢地就係Joel Embiid及Ben Simmons。

2011-12球季,當時嘅76人陣中仲有Andre Iguodala,佢地以35勝31負成功打入季後賽。不過,2012-13球季開始呢支東岸球隊就開始沉淪,並喺2015-16球季交出10勝72負近年最惡劣嘅戰績,值得一提嘅係,當時Joel Embiid仲係因傷整季報銷。
憑住最差嘅戰績,76人成功以狀元簽拿下澳洲狀元Ben Simmons。不過,Simmons亦因為受傷而喺其新秀賽季全季報銷。而呢一季,Embiid終於復出上陣,但佢就只係上陣31場,叫做拎下經驗、調整下,同埋適應下NBA嘅節奏。因此,76人都只係拎到28勝54負嘅戰績。
不過,黎到今季Embiid及Simmons終於能夠健康上陣,並且一季落黎受傷嘅情況並唔多,各位球迷終於可以睇到Embiid加上Simmons呢對組合嘅表現。其實Embiid喺上季已經展現出自己嘅統治力,而黎到今季佢可以更多上陣令佢嘅數據進一步上升,基本上內線嘅球員都無乜邊個可以阻止呢位位76人「大帝」。
Simmons就更加令人驚喜,呢位首季喺NBA上陣嘅新秀,交出嘅數據根本就已經達到全明星級別,全季佢一共交出12次三雙,係繼「大O」Oscar Robertson後交出最多三雙嘅新秀球員。而佢令人難以捉摸嘅身高同廣闊嘅視野,令佢喺一眾控衛黎講絕對係Bug一樣嘅存在。
喺Embiid同Simmons兩人嘅領軍下,以實際戰績令76人再次成為一支強隊,要知道呢一季只係Embiid同Simmons首季合作,再磨合多一季相信佢地未來絕對有力成為東岸一哥,甚至好快就可以挑戰總冠軍。
唔好唔記得,76人仲有另一位狀元Markelle Fultz,呢位去年夏天加入球隊嘅控衛,今季因傷只係上陣左14場比賽,場均上陣時間就只有18.1分鐘,但係佢亦都已經展現出一名合格控衛嘅能力,所以只要佢完全康復及找回狀態,佢絕對係一名極具實力嘅球員。值得一提嘅係,Fultz喺常規賽最後一場更加取得生涯首個三雙,而呢個三雙亦令佢成為NBA歷史上最年輕取得三雙嘅球員。到Embiid、Simmons及Fultz呢個鐵三角更加成熟嘅時候,究竟76人可以去咩高度呢,我地真係要拭目以待啦!
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024