{ SKIP }
文:MenClub 波特先生  圖:互聯網
POSTED ON 14 May 2018

作為NBA歷史最年輕嘅常規賽MVP,Derrick Rose嘅天賦及實力已經證明左比全世界睇,但係好可惜傷患將佢嘅運動能力、天賦都帶走,雖然佢仍然可以打NBA,但係已經唔再係以前個一位無人能擋嘅超級控衛。

而黎到今季,Rose上半季加盟騎士諗住可以扶助「大帝」LeBron James,但可惜未能夠順利融入,最終避唔過被交易嘅結果。最終被交易至爵士嘅Rose即時被裁掉,然後幸好其前公牛教練Tom Thibodeau搵番佢,令佢今季仍然可以留喺NBA,並且有機會參加季後賽。

進入季後賽,木狼面對西岸一號種子火箭,雖然牌面上唔係話真係差好遠,但實際上雙方無論喺經驗、穩定性定係戰術上都有一定差距,最終木狼以1:4被踢出局。木狼出局好大程度上係因為球隊核心表現不濟,好似Karl-Anthony Towns及Andrew Wiggins都發揮唔到自己應有實力,甚至Jimmy Butler嘅表現亦都好唔穩定。

相反本來只係諗住搵佢打反備嘅Rose,反而打出令人驚喜嘅表現,成為木狼場上最穩定,威脅最大嘅球員。不過,由於佢同木狼嘅合同(210萬美元)今個夏天就會完結,佢究竟能唔能夠留低成為球迷非常關心嘅事。

而最新嘅消息指,木狼現時都有好大興趣重簽Rose的,而Rose當然亦都好想繼續留低,扶助佢嘅前公牛教練Thibodeau。不過,Rose嘅身同仍然不時會出現受傷,就好似今季加盟木狼後就曾經扭傷腳踝,因此缺陣左唔少時間。

雖然身體狀態唔穩定,但係精神上Rose明顯係非常想繼續比賽,佢仍然無退役嘅念頭,只要能夠保持健康,Rose仍然係一位非常出色嘅球員,希望木狼可以成為佢嘅一個長期落腳點吧!

「亞洲玩具展」TOYSOUL 2018玩具相集巡禮 12月14日開始的一連三日「亞洲玩具展」TOYSOUL 2018 已經開幕左,場內人頭湧湧,大量玩具迷入場掃貨,得閒你可以去睇下,唔得閒都無計,我影少少給大家睇下,如果真 ...
hobby
「亞洲玩具展」TOYSOUL 2018 玩具相集巡禮
15 Dec 2018
美斯成功征服皮利斯個心!
hobby
皮利斯:「我曾與施丹及亨利做隊友,但美斯係與別不同的。」 ...
14 Dec 2018