{ SKIP }
文:MenClub 波特先生  圖:互聯網
POSTED ON 15 May 2018

2018俄羅斯世界盃仲有1個月就正式展開啦,而就喺各大聯賽都接近收咧下,各支成功打入決賽週嘅國家隊亦陸續公佈自己最後征戰世界盃嘅最後23人名單,其中「森巴軍團」巴西亦公佈了名單!

以下為巴西世界盃23人大軍陣容:

門將:阿里遜(羅馬)、卡斯拿斯奧(哥連泰斯)、艾達臣(曼城)

後衛:泰亞高施華(巴黎聖日耳門、馬些路(皇家馬德里)、米蘭達(國際米蘭)、菲臘比路斯(馬德里體育會)、馬昆奴斯(巴黎聖日耳門)、丹尼洛(曼城)、費格拿(哥連泰斯)、基洛美(甘美奧)

中場:韋利安(車路士)、保連奴(巴塞隆拿)、古天奴(巴塞隆拿)、費南甸奴(曼城)、費南迪斯(北京國安)、卡斯米路(皇家馬德里)、費特(薩克達)

前鋒:尼馬(巴黎聖日耳門)、杜格拉斯哥斯達(祖雲達斯)、捷西斯(曼城)、法明奴(利物浦)、泰臣(薩克達)

可以睇到,巴西隊基本上都選上最具知名度及實力嘅球員,好似尼馬、捷西斯、法明奴、卡斯米路、古天奴、施華、馬些路、艾達臣等球員,整體實力絕對不錯。唯獨邊後衛丹尼爾艾維斯因為喺較早前不幸嚴重受傷,將唔會趕得切參加世界盃,所以球隊最終亦被迫無奈放棄呢位領袖級球員。

而對於巴西隊黎講,目前最受關注嘅球員一定係尼馬,因為佢已經受傷左一段時間,雖然近日佢已經重新進行訓練,復出已經指日可待,但係其狀態則令人擔心,希望佢可以透過呢一個月盡快搵番應有狀態。

再睇番4年前參加巴西世界盃嘅巴西隊陣容,都可以話真係大變得好緊要,雖然好似尼馬、施華、馬些路都仲喺陣中,但好似大衛雷斯、侯克、奧斯卡、費特等都已經全部落選。

而相對4年前,如今嘅巴西實力上明顯要強得多,特別係中前場,尼馬、法明奴、捷西斯嘅三叉戟,後少少又有古天奴同韋利安,中後場防線有保連奴、卡斯米路做第一道閘,最後面有施華統領一眾後防,再加上今季表現好好嘅艾達臣。可以話,如今嘅巴西相比4年前要變得攻守平衡得多,再次挑戰世界盃絕對唔再係夢啦!

巴西分組賽賽程:

巴西 vs 瑞士 – 6月17日
巴西 vs 哥斯達黎加 – 6月22日
塞爾維亞 vs 巴西 – 6月27日

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025