{ SKIP }
文:MenClub Patrick  圖:互聯網
POSTED ON 31 Oct 2014
唔知係咪因為早排套《聖鬥士星矢:聖域傳說》電腦動畫劇場版反應唔錯,搞到車田正美老師、東映同BANDAI再次心紅,喺冇耐前公布咗2015年春季又會有新嘅大project。

個project係乜?尋日BANDAI終於喺今年嘅TAMASHII NATION魂ネイション展覽發布會上面畀提示大家。原來個project叫做「黃金魂」,一千零一張官圖係畫住動畫版嘅獅子座,不過佢套黃金聖衣嘅背脊竟然好似飲咗Red Bull咁多咗一對翼,所以係人都估好可能係獅子座嘅神聖衣!




見到有動畫圖片,《聖鬥士星矢Ω》動畫又已經完咗,fans好自然會諗《黃金魂》會唔會係下一套黃金聖鬥士做主角(或只係獅子座)嘅動畫?班黃金着晒神聖衣打唔知咩敵人,真係諗起都興奮!不過佢哋唔係爆嘆息之牆死晒咩?

呢方面東映仲賣緊關子,但賣玩具大過天嘅BANDAI就理得你,已經率先畀人預覽定呢隻有翼獅子座嘅聖衣神話。出得神話,即係明示暗示有動畫啦,萬一12件黃金聖衣真係變晒神聖衣,聖衣神話咪出多10年都仲有得出?




睇番呢套獅子座聖衣設定嘅全相,中國風好濃喎,似麒麟多過似獅子,仲好似crossover咗《天空戰記》添。話時話,當年《聖鬥士星矢G》漫畫又係獅子座做主角,初代聖衣神話嘅黃金聖衣又係出獅子座先,今次又係,睇嚟官方好似特別鍾意獅子座咁喎。








雖然Vin Diesel早前曾表示《狂野時速(Fast Furious)》系列最終章《狂野時速11》將於2027年4月正式上映,仲話要令Brian O'Conner「回歸」同唐老大重逢,但實際進展似乎唔太樂觀!據知情人士透露,目前劇本尚未定定 ...
hobby
【影視】《狂野時速11》製作成本過高 片商要求削減預算否則擱置開拍
06 Oct 2025
自從2022年《奇異博士2:失控多元宇宙》上映後,Fans們都非常好奇「紅女巫」Wanda Maximoff呢個角色係咪就此完結,但佢嘅故事似乎仲未結束!最近Elizabeth Olsen喺一個活動上,坦言自己非常鍾意Wanda呢個角色,並表 ...
hobby
【影視】Elizabeth Olsen願意重返MCU 並承認部分人對超英片感到疲勞
06 Oct 2025