1. 睪丸的英文「Testicles」，來自於拉丁語的「證人」

直到現時為止仍然冇語言學家能夠完滿解釋點解睪丸的英文「Testicles」會衍生自拉丁語的「證人(Testis)」。但其中有一個理就相當啱我口味：相傳在古羅馬，證人要在庭上作證，必須以自己的睪丸作誓會說真話。換言之喺古羅馬，喺庭上作假證供同阻人扑嘢一樣咁大罪。

個人認為香港好應該引入呢條古法，睇下邊個仲夠膽扭曲民意。如果佢咁都繼續講大話，即係太監黎啦，咁我哋唔應該歧視殘疾人士呀！

2. 被捏睪丸會死

準確啲，係如果睪丸被大力擠壓，就會產生過多腎上腺素，從而引致多種併發症甚至死亡。本身非常敏感的睪丸如果受壓，所引起的痛楚甚至有可能引起心臟病發。事實上喺2012年就曾經有位男士在街頭與一名女子爭執，然後被捏春袋致死，你又估下係邊個國家發生？對，偉大的祖國。

3. 睪丸是「可大可小」的

雖然應該冇人會因為自己兩粒睪丸有幾大而自豪，但你的嘅寶貝其實都有個「可大可小機制」。當你做愛或者感到性興奮的時候，血液會湧入你的陽具令你勃起，同時你的睪丸亦會因充血而變大25-50%。而重點在於，如果喺呢個時候你冇得到高潮，在睪丸內的血液就有機會「有入冇出」，從而產生不適和漲痛感。所以以後又多個借口啦：「嗱依家可大唔可小，點先你話？邊個負責先？」

4. 有人用睪丸沖茶飲

(注:圖為一個普通茶包)

加拿大東部省份紐賓士域(New Brunswick)的女性傳統上會用海狸的睪丸沖茶，而且(好彩)唔係比男人當補品飲，而係用作避孕用途。她們認為海狸睪丸中的雄激素會令到自己更難受孕。但可能後來連她們都覺得用睪丸沖茶太惡頂，所以改為飲用一麥酒與風乾海狸睪丸溝埋嘅……嘢。

當你諗起事後要飲杯咁嘅嘢，仲邊做得落去呀…

5. 世界上第一塊被名命的恐龍化石，叫做「巨人的陰囊」

在1676年英國牛津一個礦石埸中被發現的一塊「班龍屬股骨」，是世界上第一以科學方式敘述和命名的恐龍化石。而在1763年被Richard Brookes研究的時候，這塊骨被命名為「Scrotum Humanum」，意譯是「巨人的陰囊」。直到1824年才被正名為「班龍屬(Megalosaurus)」，而恐龍(Dinasours)這個字要在再十六年後才被創立。

6. 世界上最大的陰囊可能重過你

美國男子Wesley Warren Jr，擁有世界上最大及最重的陰囊。患上「scrotal lymphedema(無責任Google翻譯:陰囊淋巴水腫)」的Wesley，在一夜之間經歷嚴重痛楚後，陰囊就漲成足球大小。後來情況持續，終於到達現時重達132鎊、大至超過膝頭的苦況。如此龐大的陰囊令他無法正常活動、小便和性交，連褲也穿不上而要將衛衣倒穿至下身。

7. 美國總統曾因陰囊太大而要訂造西褲

在甘迺迪版刺後接任總統的美國第35、36任總統Lyndon Johnson，曾經因為正常西褲無法收下他比一般人大的陰囊而要特別訂造西褲。他當時對Haggar 製衣的人員說:「褲襠位永遠都太緊，下次你再造時要多留一吋的空間好讓我把他們拿出來。現在就像騎在一個電絲網上一樣」。幾有霸氣！