雖然冨樫義博成Q日都休刊，但單單憑《HUNTER×HUNTER》嘅周邊商品，相信佢就算唔做都一樣大把收入！就好似近期日本新出嘅《HUNTER×HUNTER》周邊商品「小岡變身耳環」咁，就變成網上又一瘋傳Product，除咗因為小岡變身嘅場面太經典之外，呢隻耳環本身嘅設計都相當搞笑，一齊睇過！

呢款「小岡變身耳環」完美還原小岡變身嘅moment，特別係佢一把長長嘅秀髮，正正係耳環嘅精髓！

而且呢隻耳環仲好貼心，有分針耳環之餘仲有夾耳環，無論有冇穿耳窿都一樣啱戴！

雖然話就話叫你買畀女朋友，但如果巴打自己喜歡，當然可以好似下圖呢位男士咁，自己戴都一樣咁……搶眼！

目前「小岡變身耳環」售價9999円（連税），今日開始到8月5號都可以喺網上訂購，有興趣就唔好錯過喇。