今屆世界盃已經完成左首輪賽事，雖然有唔少強隊都出閘脫腳，但係各場比賽嘅精彩程度尚算非常高，相信接下來嘅分組賽仍然非鬥得難分難解，一眾強隊絕對要快啲上力。

而除左留意比賽之外，其實仲有另外一樣非常值得留意，就係球員們嘅髮型！由於世界盃係足球壇最大嘅舞台，所以一眾球員都好想喺比賽入面表現自己獨有嘅個性，而髮型就係其中一個最能表達嘅東西。

其中巴西球星尼馬就被球迷留意到其髮型，其中香港嘅球迷絕對會覺得佢非常MK，而其他國家嘅球迷就認為佢嘅髮型就好似一堆意粉，甚至法國名宿簡東拿都忍唔住要出黎抽下水，真係令人哭笑不得！

Cantona mocking Neymar's new hair cut  pic.twitter.com/Ulf1sn18AX

— Football Stuff  (@FootbalIStuff) 2018年6月18日

不過其實尼馬呢個髮型對比以往世界盃嘅一班前輩算係小巫見大巫，其中好似其師兄朗拿度，就曾經喺2002年日韓世界盃剪左一個足以載入史冊嘅河童髮型，作為佢嘅對手，甚至隊友喺球場上見到都真係幾難忍笑。

而其他著名嘅髮型就仲有「金毛獅王」華達拉馬，同埋佢嘅隊友「狂人」希基達。另外，尼日利亞嘅Taribo West及法國沙格拿嘅髮型都真係好令人印象深刻呢！