較早前，NBA一年一度嘅頒獎典禮已經舉行，而火箭球星James Harden喺接近零爭議下首奪常規賽MVP，令世界更多人認識呢位「大鬍子」。

「大鬍子」如今已經基本上代表住Harden，一把烏黑嘅鬍子遮蓋住佢半塊面，可能你會覺得外型唔係咁好睇，但卻極具代表性，同時佢嘅價值絕對遠超你嘅想像。

高中時候嘅Harden，雖然都有鬍子，但係數量稀少，與宜家相比你甚至可能認佢唔到。直到2009年參加NBA選秀大會，Harden鬍子嘅輪廓開始明確，但係數量仍然難以與如今相比。其後Harden開始唔再剃鬚，並慢慢形成如今嘅形象。

而喺2015年，Harden憑住出色嘅表現成功獲得adidas垂青，最終簽下一份13年價值2億美元嘅合同，並相中其鬍子成為其代表標誌，合同中亦有條款列明Harden絕對不能剃掉鬍子，否則合同將會廢掉，同時需要邀付違約金，可見Harden嘅鬍子價值究竟有幾高。

不過話又說回來，Harden當日留鬍子完全無諗過可以有咁高價值，佢只係想令自己睇起黎較為成熟，喺比賽中可以更加攝人。如今佢貴為NBA MVP，未來嘅表現相信會更加受關注，而鬍子喺其絕學造犯當中亦有不可或缺嘅地位，因為鬍子就好似佢嘅身體延伸一樣，可以博得到犯規的。

既然咁有價值，adidas當然唔會放過呢個機會，佢地日前再推出James Harden專屬嘅Harden Vol.2系列新夏日Summer Pack配色。今次全新配色以亮眼嘅彩色條紋交替為主，其前半端鞋身採用黑色設計，視覺效果及層次感都大大增加！MVP嘅波鞋梗係要買番對啦！

售價：$1399