之前同大家講過，《刀劍神域》終於再出動畫版，官方宣佈將於今年10月播放《刀劍神域Alicization篇》！

《刀劍神域Alicization篇》係講述「死鎗事件」結束嘅半年後，桐人（桐谷和人）應承菊岡誠二郎去參加新款OLG嘅測試。但估唔到喺打工嘅空檔期間，喺現實世界中竟然遇上安格特時嘅殺人公會「微笑棺木」、亦係「死鎗」事件嘅餘黨前來復仇。喺和人負傷送醫之後，佢突然從病房中消失。明日奈為咗尋找和人，於是就搵茅場晶彥嘅戀人神代凜子尋求協助。而今次《刀劍神域Alicization篇》嘅動畫角色設計由足立慎吾、鈴木豪同埋西口智也共同負責繪製，另由小野學擔任監督，A-1 Pictures負責製作。

最近官方就公開《刀劍神域Alicization篇》動畫嘅第一彈PV，大家又覺得點先？？