{ SKIP }
文:MenClub 波特先生  圖:互聯網
POSTED ON 24 Jul 2018

葡萄牙球星C朗拿度日前正式喺新球會祖雲達斯亮相,呢位33歲五屆金球獎得主嘅加盟令意大利球迷陷入瘋狂,佢嘅魅力就固之然令人難以想像,而日前佢接受體測,發現佢嘅身體竟然同20歲嘅球員一樣健康!

祖雲達斯以超過1億歐元簽下C朗四年,但佢已經33歲真係值得為佢投資咁大一筆金額嗎?較早前33歲嘅C朗拿度表示,自己嘅身體狀況只有23歲,所以喺未來四年佢絕對可以繼續踢出最好嘅足球。

不過,近日祖雲達斯嘅體測就進一步確認C朗嘅身體狀況,結果顯示C朗嘅身體竟然只有20歲,而其身體所含脂肪更只有7%,要知道正常職業球員嘅身體脂肪含量為10-11%。另外,C朗嘅身體肌肉比例達到50%,平均比職業球員多出4%。

雖然岩岩嘅世界盃葡萄牙喺16強就出局,但係C朗拿度卻證明自己係門前嘅超級利器,佢嘅把握力仍然係舉世無雙的。

唔單只咁,C朗喺世界盃入面曾被錄得跑出33.98km/h,而喺2017年佢最高速曾被錄得為33.25km/h,所以可以說明佢嘅速度唔單止無下跌,甚至變得更快!

而作為祖雲達斯嘅球迷,相信亦一定會記得喺岩岩一季嘅歐聯,C朗就曾射入一記極高難度嘅倒掛金勾,要知道呢一球佢跳起所達到嘅高度達到2.3米。呢一切一切都說明,33歲嘅C朗身體狀況仍然保持得極好,只要佢想佢仍然可以踢出最高水平嘅足球,年齡喺佢身上彷彿過得特別慢一樣,究竟佢係咪真係可以令祖記變得更好,甚至真係可以帶領球隊奪得歐聯冠軍呢?!

隨住依家由大人到細路都電話不離手、又成日對住部電腦,越黎越多人嘅視力出現問題,甚至有唔少人已經去到唔戴眼鏡就咩都睇唔清嘅景況。對佢哋黎講,沖涼時要除低眼鏡係一件非常麻煩嘅事,但唔除又會整濕副眼鏡,又或 ...
hobby
【生活】日本推「風呂眼鏡」 防霧防燙大受好評
16 Apr 2025
迪士尼下部真人版電影《史迪仔》(Lilo Stitch)將於下月正式上映,目前業界非常睇好呢部作品嘅票房表現,預計在北美開畫頭三天即可突破一億美元票房。 iframe width="560" height="315" src="https://www.youtu ...
hobby
【影視】外媒預測真人版《史迪仔》開畫房票可破億美元!有望彌補《白雪公主》虧損?
16 Apr 2025