{ SKIP }
文:MenClub 波特先生  圖:互聯網
POSTED ON 27 Aug 2018

如果兩年前問你「你覺得JaVale McGee係天才定蠢才?」相信十居其九嘅球迷都會覺得佢係一個空有身體天賦嘅蠢才,長期進佔Shaqtin’A Fool前五位,唔單止O’neal,基本上所有球迷都見證過佢喺球場上嘅腦殘行為。不過,事實又係咪真係咁呢?

現年30歲嘅McGee作為2008年首輪第18順位嘅新秀,擁有住7呎嘅身高,加上勁爆嘅身體天賦,理論上喺籃底下就算唔係完全屈機,都有一定嘅統治力。但結果係唔單止經常爆出腦殘行為令教練減少比佢出場嘅機會,就算有機會佢都無交出令人滿意嘅表現。

不過,就喺2016-17球季加入勇士後,McGee如今已經獲得兩隻冠軍指環。可能你會覺得McGee只係好命加入呢支超級球隊坐享其成,而事實上佢卻為勇士嘅內線帶黎不可多得嘅貢獻,而呢一點作為勇士主教練嘅Steve Kerr亦都同意。

近日Kerr接受媒體訪問就講到今夏已經離隊轉投湖人嘅McGee:「我可以話比你你知,喺McGee黎到呢度之前,我對佢都有一個先入為主嘅觀念,結果證明我係完全錯誤的。」

「McGee兩年內由始至終都非常積極的,當佢喺2018年總決賽上獲得正選上陣機會時,表現得非常出色,整場比賽佢都非常興奮,並喺比賽之後主動加練。」

效力勇士期間,由於球隊擁有極多攻擊手,McGee基本上都唔太需要參與進攻,反而更多將精神放喺防守上,而大家相信已經有目共睹,佢喺比賽期間經常交出精彩嘅封阻,大大守護住勇士嘅籃框。

如今為勇士拎過兩次總冠軍後,McGee已經唔多唔少擺脫以往Shaqtin’A Fool MVP嘅形象,相信當中最大嘅原因就係Kerr呢位伯樂慧眼識英雄。

繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025