【影音新訊】無所不能的Yamaha 發佈音響旗艦5000系列

Yamaha 近日公佈將於下年初發售最新一系統兩聲道音響旗艦新產品，產品包括前級擴音機C-5000，後級擴音機M-5000和黑膠唱盤GT-5000，配搭早已推出的高保真旗艦喇叭NS-5000，足夠組成旗艦5000系列高級音響家族。  

Yamaha130年的悠長歷史，一直以都是傳奇級神奇企業，每次見到yamaha就會唸到佢無所不能的產業生產樹，Yamaha百足咁多爪。做地地做好鋼琴又會拿d木做下傢私，搞搞下愈來愈勁，又要recall網上睇到大家最熟悉的爆笑句字「會做家具的話，應該也能製作飛機用的木製螺旋槳吧。」無野難到yamaha，做做下真係連飛機都做埋出來，飛機引擎都搞得掂，做埋船同車都順理成章姐，就咁成架車同成條船yamaha做哂出來…再進而滑梯，泳池、浴室瓣瓣都見到佢；講返音響先，以Yamaha正統樂器本業，音響應該理論上是yamaha最強的強項吧？

Yamaha係於70年代開始成為日本影音器材業界中流砥柱之一(其實佢有無邊得領域全敗？) 佢中低價位的器材尤其獲得了巨大的市場認可。高端產品Yamaha當年選擇同其他音響大廠合作生產，他們的一些高端電子產品是與Accuphase合作製造的，而他們的頂級黑膠唱盤如GT-750和GT-2000則是與Micro-Seiki合作。70年代和80年代的這種高端產品到今天仍然受到二手收藏家追捧。所以話Yamaha的Natural Sound產品線單口碑已經覺得很好，完全像其公司的歷史一樣咁可靠。在2018甚至2019年今日，你又會點樣睇yamaha的音響產品？ 上面提到呢一個5000家族旗艦系統，最快將會於十月份係澳洲墨爾本影音展亮相。要比試聽或比實際意見仲言之過早。 不過最快下年初就可以係市場上試到相關產品。

前級擴音機C-5000

後級擴音機M-5000

日本品牌的用料同內部設計排位都係賞心悅目