{ SKIP }
文:MenClub 摯樂  圖:互聯網
POSTED ON 13 Sep 2018
【影音討論】細小的喇叭是美好的介紹迷你高質喇叭

我們玩音響聽喇叭,不一定是有大食大,愈大對的喇叭正常需要的空間愈多,一般香港的居住環境,其實唔太適合太大型的座地喇叭。假如把各大名廠的旗艦喇叭放在香港普遍的家中播放,多數都無法有具夠空間,出來的聲音必定唔好。所以音響一句老話,選合適的喇叭配合你的聆聽空間,在小喇叭的世界,其實有很多好細小的喇叭好美,無論聲音同外貌都相當迷人,小編今日特別介紹細小而好聲的超小型喇叭,所有推薦的喇叭仔都是比一般的書架喇叭還小的超迷你喇叭,但聲音級數必須要過到關,非一般藍芽或電腦喇叭的級數,反正就是絕對好聲的細喇叭系列。

喇叭細有細玩,其實小喇叭最大的缺點只是能量感和低頻的下潛力。尤其如果地方較大,太細小的喇叭就可能出事,就會覺得音壓唔夠填滿空間,聲音緊張,中高頻前傾但卻又好像缺少低頻。然而這些都是非戰之罪,你總不能拿小型Kcar去賽車場上作戰,相反F1賽車也不能在彌敦道上塞車。假如在小房間,下面介紹的迷你書袈細喇叭一定能讓你聽出耳油,叫你感受完美的聲音結像。

LS 3/5a

首先介紹的是細喇叭的代名詞,Ls 3/5A喇叭,實際上它已變成一個代號,這是最初來自英國的經典喇叭,關於LS3/5A的故事絕對是一部厚厚的書藉,LS3/5A代表的是BBC訂下的一個規范,現在市上有不同的廠家製作和出品LS3/5a,他們各自不盡相同,聲音差異也很大。當然最正規的LS3/5a是要得到BBC的授權,由於LS3/5a實在有太多唔同的版本同彷制品,我今天提出LS3/5a其實是想作為細小喇叭的一個準則,我認為細小的書架喇叭仔和LS/3/5A的大小差不多的就是細小。

LS3/5a的版本雖多,但佢一般的功用都是播放小品女聲或弦樂,只要聽上去迷人好聲的,代表你的LS3/5A版本並不爛,正路的LS3/5A播放小品都是相當好聲的。

Elac BS 312

德國ELac的這對小喇叭,身型雖細小,但聲音著實唔野小。首先我唸起細小喇叭其中一對必然要預埋佢。音場靚,音色自然,也不會有好強音染。全金屬的製作的bs312有elac引以為傲的Jet5 氣動高音單元同水晶中低音。想要細又靚,現代感一點的選擇當然數312。

 

Pioneer S-A4SPT-VP

唔要太現代想要追求細小喇叭又要古典一點,就一定係最著名的Pioneer S-A4SPT-VP,型號水蛇春咁長一定唔會記得,但佢的另一個外號叫「酒桶仔」。就好多年資的老發燒友都聽過,酒桶仔喇叭的木好靚,摸上手就好像真係釀酒的木桶咁加埋佢有紅黑兩個顏角的面網選擇,應該多數人用紅色醒神的面網。外觀上呢對細小喇叭仔一定是美好的,唯一要提你這個日本品牌,Pioneer廠的風格是比較直白,自身風格唔大,好反映你器材的聲音,。這種特性在音響上是兩面刃。

天朗Autograph Mini

講細細對喇叭仔,要靚仔有型得來有紳士的典雅,系出名門的天朗Autograph Mini無得輸。作為同軸喇叭佢的聲音連貫性同全頻的質素毋容置疑,你睇佢的大細同樣式,好難唔將佢當玩具。佢簡直就是音響的扭蛋,是大型古典英國喇叭的玩具版,然而它是真的一對好喇叭來。只是地方細細

呢對喇叭有新款和舊款之分,不過對我來說睇樣舊都差唔多咁靚,買唔到珍藏舊款買新款都一樣

Dali皇太子 DALI MENUET

細細對的丹喇叭皇太子已經去到第6代,比ls.3/5A 更迷你,皇太子的名聲已經係音響界名器之一,佢的木纖維音盆好特別又好聲。其實皇太子無咩好介紹,因為外貌上你一見就會吸引你眼球注意,聲音上你一聽就會衝動想買,就是這樣簡單。

Boenicke w5

想介紹另一隻超細小但科技的結精,來自瑞士的Boenicke w5,原木的製作喇叭廂內行迷官式設計,測面有一個細小但對比起喇叭來講算大的低音單元。佢的外貌就已經係獨特點,加上小巨人的聲音,你睇佢的大小覺得好細小時,當你閉上眼聽佢發出的聲音,張開眼就會震驚。就因為令你震驚,佢的價格是所有呢度講的喇叭中最貴的,而對好多人來講佢的價錢可以買到好多好大的座地喇叭。無計,要細小美觀又要有大座地的聲音質素。瑞士出品嘛!

FAL C40

最後要介紹的超小型喇叭是小編個人推薦的超冷門品牌,十個發燒友十個都應唔識佢,FAL是未自日本東京的超小型自家家族式經營的老音響小店,FAL的獨家製作的平板式全頻單元喇叭,佢的全頻單元是獨家的專利設計,能發出的低頻同一般的全頻單元唔同,c40是最細小的型號,超級細對。好好聲ga…….. 不過日本傳統家族式經營並不熱衷於市場行銷,基本上隨時失傳………而賣價由於也有其家族尊貴的堅持,相信我們去到聽完參觀完通常只會留下相當的尊重。

 

迪士尼+打響頭砲星戰系列大作The Mandalorian 公佈男主角 在串流媒體的劇鬥下海外電視劇的黃金歲月可能正在降臨,早前大鑼大鼓下年開台大搞的串流新平台迪士尼+,當然會用盡手上握住的幾張皇牌星球大戰系列同Mar ...
hobby
迪士尼+打響頭砲星戰系列大作”The Mandalorian” 公佈男主角
14 Nov 2018
仮面Rider,細個係叫佢「蒙面超人」。後來到咗平成年代之後,大家都開始叫佢做「拉打」。可能大家都唔想再叫佢做「超人」啦!而不知不覺間,平成拉打已經出咗20套作品有多,官方亦喺哩個期間推出劇場版,當然一堆精 ...
hobby
平成20作劇場版紀念Tee,拉打着上身
14 Nov 2018