《後街女孩》（Back Street Girls）係Jasmine Gyuh創作嘅一部日本漫畫，講述黑道3人組因為犯錯而又唔想被老大殺害，於是被迫接受變性手術同全身整型手術，搖身一變成為地下偶像「後街女孩」，仲紅極一時有好多粉絲！不過佢哋嘅內心依然係雄糾糾嘅黑社會男兒，對於變成少女每日要扮可愛生存，都感到極度苦惱……由於呢套漫畫非常爆笑，所以有唔少讀者捧場，喺今年7月3號時仲正式開播改編動畫，風頭一時無兩，雖然《後街女孩》嘅動畫經已播映完畢，不過熱潮未退，官方嚟緊仲打算推出埋《後街女孩》嘅真人版電影添呀！

之前MenClub就Show過《後街女孩》真人版電影嘅宣傳海報同影片，不過就咁睇條片，大家可能分唔到邊啲角色打邊啲角色，今次就一於正正經經同大家介紹返，《後街女孩》真人版電影嘅選角！

山本健太郎 由 白洲迅 飾演。山本愛理 由 岡本夏美 飾演

立花隆 由 花澤將人 飾演。立花瑪莉 由 松田琉花 飾演

杉原和 由 柾木玲彌 飾演。杉原千佳 由 阪之上茜 飾演