據最新的消息指，車路士有意提前與法國中場簡迪續約，他們對於續約一事充滿信心，而預計簡迪續約後將會獲得車路士隊史最高薪的29萬鎊週薪。

簡迪無論喺球會還是國家隊表現都有目共睹，佢曾成功協助李斯特城及車路士奪得英超冠軍，又喺今年助法國隊奪得歷史第二次世界盃冠軍。雖然簡迪為人低調又以防守為己任，但佢嘅作用卻無容置疑，作為其隊友嘅球員就更加明白簡迪嘅重要。

目前，27歲嘅簡迪與車路士嘅合同將於2021年到期，雖然看似仲有一段時間，但係車路士為防有任何球隊出手搶人，所以提前續約係最好嘅選擇。而車路士今次出手亦相當闊綽，簡迪嘅週薪將由如今嘅15萬鎊一下子提升至29萬鎊，接近翻了一倍。

以簡迪嘅性格，相信佢唔係為名為利踢球的，所以如果佢喺車路士踢得開心，相信佢都唔會選擇離隊他投，更何況車路士亦相當睇重佢，所以續約一事都可以話係十拿九穩。

截至今日，車路士喺英超聯賽暫時錄得8勝4和戰績，以28分排名第3位，落後榜首嘅曼城4分。