只要係人都一定會有生理需要，病假產假呢啲基本上間間公司都有，再貼心啲嘅公司仲會畀埋M到假期啲女同事每月抖抖，不過原來英國有間公司仲巴閉，為咗員工可以了無牽掛地打飛機爽爽佢，決定提出「自慰假」畀員工，將一路以嚟積累嘅壓力可以好好地發射……呀，唔係，係發洩出去就真！

英國情趣商品公司「LELO UK」最近就推出一個叫「自慰假」（self love day）嘅特別假期，員工可以額外有4日假用嚟自慰。皆因公司認為自慰可以提升員工生產力，令佢哋之後可以更用心工作。「LELO UK」嘅發言人Rachael Nsofor就表示，佢哋認為性滿足係人嘅基本權益，而且仲係完全免費。因此公司希望員工可以利用呢啲假期，去探索佢哋嘅快樂，之後返工時會更有生產力。

不過唔少網民聽完都表示，有心嘅話，其實唔需要一日，一個Lunch Time已經可以搞掂，如果打個飛機都要用成日，咁條友仔應該要去醫生度好好Check下自己有冇問題。