C朗拿度作為世界最出色嘅足球員之一，雖然佢今季已經離開左皇馬，但係佢嘅表現並無因此而下滑，佢嘅數據仍然係鶴立雞群。不過，今次唔係帶大家睇C朗踢波有幾勁，而係睇下究竟佢嘅生活實際係有幾奢華，比我地呢班就算唔可以得到嘅打工仔，都可以望下比自己有多啲動力去生活！

究竟C朗嘅生活有幾奢華？單係睇佢喺10月面對曼聯嘅比賽記者會上帶住嘅手錶已夠誇張，因為呢隻手錶上竟然鑲嵌左424粒總計15.25卡嘅鑽石，總價值超過200萬歐元，亦即係超過1700萬港元。

年薪：3100萬歐元，日薪則為85000歐元，每小時3500歐元，亦即係話每秒有大慨1歐元嘅收入

而主要贊助商方面，Nike每年平均比2400萬歐元C朗，而計埋其他林林種種嘅贊助，好似DAZN、Herbalife、Yamamay等，C朗總計大慨一年有1億歐元嘅贊助收入。

好啦，咁C朗嘅消費係點呢？佢擁有一部價值3170萬歐元嘅私人飛機，超過左佢成年人工。另外，當佢去倫敦度假時，佢入住一晚要價1萬歐元全場最貴嘅豪華套房，不過其實都只不過係佢3個鐘嘅人工。

而轉投祖雲達斯後，C朗入住都靈市一間豪華別墅，據報目前係以租住形式簽約的，每晚要價達到5萬歐元，實在有夠誇張！

另外，車當然係C朗最愛收藏嘅玩意之一，其中全球僅出產500部嘅Bugatti就已經要左C朗300萬歐元，呢部車可以最高時速達到420km/h。除左Bugatti，C朗嘅收藏仲有法拉利、勞斯萊斯、馬莎拉蒂、Audi、林寶堅尼等等，部部都係名車。

而服裝方面，C朗最多穿著嘅應該就係Nike嘅運動服裝，其次就係Hermes同Gucci。