{ SKIP }
文:MenClub 魏文青  
POSTED ON 26 Nov 2018
有人話結婚係愛情嘅墳墓,亦有唔少人認為結婚生仔就係人生的意義,所以你見好多人做人父母基本上就放棄繼續經營自己嘅人生,冇哂衝勁、性情大變、亦唔再著重外表,男嘅成為「死佬」,女嘅就成為「師奶」。話就話男人愛女人唔係(淨係)睇樣,但眼見曾經性感可人嘅另一半走哂樣,其實都幾唏噓。所以我希望啲女士可以學下呢位Bangs Garcia!就算結咗婚生埋仔都一樣咁Fit!

Bangs Garcia係菲律賓嘅一位電視、電影演員,本身都係一名貌美性感嘅演員,而今年31歲嘅佢於兩年就與菲英混血大隻商人男友結婚,仲好快咁生咗個女出黎,俊男美女一家樂也融融,過住啲唔憂柴唔憂米唔使逼巴士嘅神仙生活,我係男人都真係好羨慕!婚又結咗、女又生埋,理論上Bangs Garcia就應該有哂走樣嘅條件同藉口,但佢唔單止火速保持回復窈窕身形,早前更加報名參加《Maxim》嘅年度封面女郎選舉,而且成功打入準決賽,你話係咪令人佩服同汗顏先?

當被問到如果贏咗比賽,拎到獎金會點做,Bangs Garcia唔係答啲咩去旅行、買包包,而係話想畀退咗休嘅父母同照顧有唐氏綜合症嘅細佬,有剩就會損畀善事基金,再之後先係幫個女儲錢同投資老公生意。你睇答得幾大方呀!取妻求淑女,呢啲咪淑女囉!
valeriebangsgarcia on Instagram
擺動一定相當有力!
girls
鋼腰極迷人 Stefanie Knight
18 Dec 2018
叔叔帶你上天台講故仔呀下!
girls
說故事的美女 超可愛台妹「珊迪」
17 Dec 2018