湖人傳奇球員Kobe Bryant自從退役後，一直無比自己閒落黎，除左經營自己嘅運動飲品公司，又幫忙執教女兒嘅籃球隊。而近日，Kobe更正式踏入教育領域，與體育教學機構合作成立「曼巴體育學院」！

以下就係Kobe為「曼巴體育學院」拍攝嘅宣傳片：

We train athletes the MAMBA way | Full Circle + Mamba Mentality pic.twitter.com/oY2Wp9uL7L

— Mamba Sports Academy (@MambaSportsHQ) 2018年12月2日

Kobe另外亦都發出一份聲明：

「曼巴體育學院」是我通過體育教育及培育下一代孩子的承諾的自然進程。我們專注於為年輕運動員提供適當及優質的培訓，並為他們計劃注入一點「曼巴精神」。

Kobe今次合作嘅體育學院，前身其實早喺2016年已經開始運作，當中可容納50000名運動員在內進行訓練及學習。而Kobe如今加入，將正式將學院名命為「曼巴體育學院」，並新增及升級大量體育設施。

而學院基本佔地10萬平方尺，坐擁5個籃球場、5個排球場、2個沙灘排球場、1個人造草場、1個電競訓練場、1個棒球打擊練習場、1個棒球投球土墩、柔道學校等等，預計學院將於2019年1月正式完成升級對外開發。

相信以Kobe嘅性格，佢一係唔做，一做就要做到最好，如果你想成為一名成功嘅運動員，入選Kobe嘅「曼巴體育學院」一定能夠獲得最大機會嘅成功。