日本動漫畫真係非等閒之輩，就算去到海外動漫畫依然充滿魅力，唔少外國人都為之著迷，紛紛嚟日本朝聖欣賞不同嘅動漫畫展，而日本動漫畫嘅吸引力終於被大英博物館認可，決定於2019年喺大英博物館舉辦海外最大規模日本動漫畫展！

大英博物館將於2019年5月23日至8月26日舉辦「日本漫畫展」（The Citi exhibition Manga マンガ），到時會有日本嘅ACG（動畫、漫畫、遊戲）以及Cosplay等相關文化嘅展覽。

另外亦會展出起源於17世紀嘅日本傳統繪畫藝術「浮世繪」，到時會展出江戶時代畫家葛飾北齋嘅「こはだ小平次」、「百物語」等作品。

據講到時大英博物館會重現東京懷舊漫畫書店嘅感覺，亦會喺現場展出漫畫大師手塚治虫嘅《小飛俠》、尾田榮一郎嘅《ONE PIECE》等等作者原畫，更會將主題擴展到動畫、遊戲、cosplay！

真係估唔到《ONE PIECE》可以放到喺大英博物館展覽！各位《ONE PIECE》迷有冇覺得好威威先？！