巴塞隆拿球星美斯可以話係現今最出色嘅足球員之一，佢為球隊拎晒可以拎到嘅獎項，而佢本人亦5次獲得金球獎，呢啲d都足以說明佢嘅實力。不過，以上呢啲都只限球會，國家隊方面佢嘅表現至今仍然未能令一眾國民滿意。

自從今年夏天嘅世界盃，阿根廷16強不敵法國出局後，有傳美斯會再次暫停國家隊，則使佢本人並未就此作出回應，但之後阿根廷嘅賽事美斯確實再無上陣。

而喺岩岩嘅南美自由盃決賽後，美斯與阿根廷國家隊領隊史卡朗尼及阿足總主席Claudio Tapia會面。而外界相信，今次會面後美斯將於2019年強勢回歸阿根廷國家隊，唔知大家覺得開心定唔開心多啲呢？

單睇數據，美斯係阿根廷國家隊歷史上入球最多嘅球員，佢上陣左128場攻入65球，有佢就保證左球隊嘅入球能力。

不過，過去阿根廷就係太過依賴美斯，其他球員對佢嘅幫助不足，令對手只需要睇實佢就係最好嘅防守，而佢就因此經常喺場上變得孤立無援。相反，喺無美斯嘅比賽入面，阿根廷唔再單天保至尊，對手嘅防守因此而變得分散，進攻球員獲得更多嘅機會，球隊亦變得更加整體。

美斯個人能力無容置疑，但係究竟佢嘅復出對阿根廷是好是壞呢？大家拭目以待！