2019年11月將會上映《超音鼠》真人版電影，之前都已經賣晒廣告做晒宣傳，大家都知道隻真人版超音鼠會採用「CGI+真人」嘅模式拍攝，兼成身毛咁登場，不過最近官方新出嘅海報，就算大家有心理準備見到隻有毛嘅超音鼠，但見到呢個新海報依然非常崩潰！

有粉絲就影咗張同《超音鼠》真人版最新海報嘅合照，相中見粉絲跪晒地咁面容扭曲，十足世界末日咁樣樣，仲以為係咩事，原係因為見到《超音鼠》真人版新海報對飛毛腿！老老實實，健壯嘅腳瓜加埋腳毛，認真唔美觀，仲要想像埋上面配搭超音鼠個樣，更加強差人意，網民睇完呢個海報，都突然對成件事表示非常失望！

希望到時電影隻超音鼠出場時，可以Keep住靚靚仔仔，唔好畀人搞到核核突突咁啦。