早兩日，日本官方放出一條《機動戰士高達 鉄血的孤兒》嘅新PV，當大家估緊係咪有新一季嘅動畫時，即時已得官方證實係一款「手遊」嘅宣傳影片。而主題正正係用上《機動戰士高達 鉄血的孤兒》，以故事嚟睇，哩套《高達》係一套比較唔太傳統嘅故事，所以都贏得唔少口碑，所以以本作作為主題，都係一個幾啱嘅決擇。

主角就係哩位少年啦！當然三日月都已經瓜咗，唔會再搵返佢，但究佢會同鉄華団班人有無咩關系呢？而睇返機體，似係緊接住第二季嘅劇情。

究竟哩部同狼王巴巴托斯有八九成似嘅機體，會唔會都係巴巴托斯呢？定係又係複製品呢？

日本好興嘅應援團，哩隻GAME 都有，有啲可有可無嘅贈品送返啦......

官方暫時都未有咩資料公佈，只得平台同免費下載兩樣。連遊戲類別都未有。

當動畫咁睇下個 PV 啦！以手提遊戲嚟講，高達做主題都有好多，摺埋嘅都唔少，哩隻嘢乜都未有就出PV，暫時當消息咁睇算，持觀望態度。

《機動戰士高達 鉄血的孤兒》手機遊戲

平台：iOS, Android
售價：免費下載(內含課金)
遊戲類別：未定
推出日期：未定