可能重製開真人化電影玩開有條癮，繼《花木蘭》、《小飛象》、《獅子王》、《阿拉丁》之後，迪士尼再一次宣佈，又有經典作品將會製作成真人版搬上大銀幕，而今次揀中嘅就係法國文學家雨果（Victor Hugo）所著、經迪士尼改編而成嘅動畫《鐘樓駝俠》（The Hunchback of Notre Dame）！

迪士尼就表示，嚟緊打算將《鐘樓駝俠》改編成真人版音樂劇電影，而外媒Deadline就提及，呢次嘅真人版電影計畫中最有趣嘅地方，就係為《魔雪奇緣》（Frozen）裡面嘅小白（Olaf）配識嘅Josh Gad，喺呢次Project裡面唔單只會擔任執行製作，同時都好有可能親自主演加西莫多（Quasimodo）。

另外亦有指，電影目前搵咗華裔劇作家黃哲倫擔任編劇，目前採用《Hunchback》為電影名稱。

配樂方面，則由1996年為迪士尼動畫《鐘樓駝俠》配樂嘅Alan Menken負責，詞曲亦都由當年負責填詞寫曲嘅Stephen Schwartz擔當，相信呢個組合一定可以重現《鐘樓駝俠》獨有嘅風味！