{ SKIP }
文:米  圖:互聯網
POSTED ON 28 Jan 2019

《人間失格》係日本小說家太宰治嘅中篇小說,與《跑吧!梅樂斯》、《斜陽》並列為太宰治代表作之一。日文中「人間」意為人,「人間失格」即喪失做人資格。《人間失格》一書以某作家為口吻寫成,「我」(即作家)喺二戰後於船橋認識酒吧老闆娘,後來老闆娘將大庭葉藏(主角)寄嚟嘅三本筆記簿同三張照片交畀故事中嘅「我」,三本筆記分別為「第一手札」、「第二手札」、「第三手札」(第三手札又分為兩部分)。「我」為其題上「前言」與「後記」,並將三封手札原封不動地呈現。三本筆記嘅作者大庭葉藏寫咗自己由青少年到中年時期,如何喺權貴大家庭中生長、與父親關係如果、與同學之間嘅互動、參加「非法」左翼團體、經歷結婚婚變外遇、企圖自殺等等生命歷程。主人公稱自己十分懼怕「人類」,只可以喺其面前冒着被揭穿嘅風險終日演戲;曾因注射嗎啡過量被送入醫院,又曾被送入精神病院。

《人間失格》係太宰治透過主角嘅人生遭遇,巧妙地將自己一生同思想表達出嚟。《人間失格》亦可當作係太宰治本人嘅自傳,主角大庭葉藏就係以太宰治本人為原型。

而《人間失格》曾經喺2010年上映大銀幕,由荒戶源次郎導演執導嘅電影《人間失格》於太宰治誕辰100年嘅2009年5月公開,電影於2009年7月進入殺青階段,並於2010年2月20日喺日本全國各大電影院首映,到今時今日2019年,傳出《人間失格》將會再度電影化!

呢次電影化不同於原著以「我(作家)」嚟敘述小說主角大庭葉藏嘅故事,而係將小說《人間失格》嘅誕生改編為基於事實嘅虛構故事,以太宰治同佢愛嘅三個女人嘅角度,描寫太宰治呢位天才作家嘅一生。而今次電影將會由小栗旬飾演太宰治,而太宰治身邊嘅三個女人,確定由宮澤理惠、澤尻英龍華、二階堂富美飾演。

繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025
經典動作飛車電影《狂野時速(Fast Furious)》系列即將迎來最終章!Vin Diesel日前向Fans透露,《狂野時速11》預計在2027年4月正式上映,而且由已故演員Paul Walker飾演嘅角色Brian O'Conner將與唐老大(Dominic T ...
hobby
【最終章】Vin Diesel證實《狂野時速11》在2027年上映:Brian O'Conner將與唐老大重聚
30 Jun 2025