{ SKIP }
文:MenClub 摯樂  圖:互聯網
POSTED ON 31 Jan 2019
【笑死人】淘寶「過牆梯」改名暗售被禁遊戲『《我來警局上班的第一天》重製版』Resident Evil 2

 
CAPCOM上星期推出左《生化危機2重製版》遊戲。原作是1998年的作品,經過左21年,剛剛以全高畫質重製版本登場。全球生化危機玩家都好高興,不過中國大陸的玩家就無咁幸福,因為大陸禁左這類被中國文化部認定為「有害國家安全」、「血腥暴力」遊戲,不過無野可以阻擋強大的淘寶賣家,強國人民施渾身解數奇招買賣,「你有張良計,我有過牆梯」,淘寶暗號百出,奇招上架販賣相關產品包括改名『《我來警局上班的第一天》重製版』及用各種有趣圖片,暗語代替,反正近期淘寶或內地但凡「重製版」和「2」的遊戲相關品就係《生化危機2重製版》,實在睇到笑爆咀,世界無野可以阻止強國人

 

 

 

淘寶上的賣家各展奇招,用暗號上架遊戲,但呢d創意真笑死人,笑到去台灣甚至日本都拿來做話題。包括用一些聽落好溫馨合家觀的詞句《我來警局上班的第一天》重製版。完全唔會覺得是血腥暴力,知情的朋友就會覺得相當搞笑,又或者用其他方法去暗示賣緊咩野遊戲「打怪2重製版」......有些會配上其他有暗示的圖片。

 

 

有些賣家直接將CAPCOM的大名中譯擺上「卡普空重製2」、「大作2」。務求都是「你懂的!」「卡普空炒冷飯2」,總之你一睇就意會到的名字

 

總之都係個句,見到「重製版」和「2」就知咩野事,其實唔知止生化危機2,好多其他熱門game都禁左,大家都見怪不快出盡奇謀,例如早前熱玩的「荒野大鏢客2」…哈哈…唔明?即Red Dead Redemption II……大陸民間譯名…,全世界相信只有中國有如些特別的賣game方法,我地少見多怪

 

中國即使不是被公開禁售的遊戲,若想要循合法管道正式出版發行,也要經過文化部的審批核准先可以正式在內地市場上市,而審批每年每公司仲有限額,一年內只有固定數量的遊戲可以上市。所以對於外國遊戲公司來講,要係中國合法上市遊戲,先要係中國內地成立文化出版社、有中國資金參與,再依正途手續慢慢申請,當然再暗地要唔要講關系,講門路就不敢妄評。不過由於正途的上市過程非常繁瑣,遊戲只要有驚悚、暴力的內容就會馬上出局(食雞點解唔暴力就要問超大的公司騰訊啦!),中國玩家如果想取得實體版遊戲的方式,其實通常都是上網買其他地區版本的「水貨」。即打個機都要黑市買賣,因此造就淘寶搞笑的易名方式,大陸的遊戲政策我就唔多作評論,但幾十年後我地的下一代都要咁樣黑市買遊戲??唔好唸將來會進步改革,呢個唸法你阿爺年代已經想過,50年不變己經過左一半了………….應笑定應該擔心…..今日有位笑盡佢先…介紹你玩Battlefield 4 !??!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024