某一個年頭，我哋都瘋狂玩facebook 入面嘅遊戲，無論係《餐廳》、《種田》、《轉寶石》，大家一開facebook 總會玩一大餐，直至，大家嘅電話都夠能力玩到哩類型遊戲時，facebook 遊戲都畫上咗個句號。依家遊戲界嘅龍頭，SQUARE ENIX 正式推出一款整合於facebook 入面嘅遊戲，而且係用上陸行鳥做主角，配合智能電話推出嘅FFBE(FINAL FANTASY BRAVE EXVIUS) 做背景，推出名為『FINAL FANTASY BRAVE EXVIUS Chocobo Run！』。

雖則話就話係整合喺 facebook 嘅遊戲，但都需要你配合你部智能電話，安裝返facebook 嘅「Messager」先可以玩到。否則，你用Mouse 玩，要你左右兩邊Click 都幾係嘢。遊戲玩法好簡單，只係跑鬥遠。而向前跑緊嘅陸行鳥，去到某啲跳台跳起時，不斷轉圈圈攞獎勵，中間下方有條體力計，而跳起果陣，條BAR就會變成騰空能力計，越長騰空時間就越耐，轉圈越多，boost 加速亦會越多。而成功安全着地的話，陸行鳥體力計會增加，可以再有更多耐力向前跔。同場會有數個朋友一齊online 比賽，感覺相當緊張。

同人玩鬥嘅online game，出哩個成績表先係重點。無咗佢，無得威威。

而本作暫時公佈將有騎乘角色 20 名、陸行鳥 27 種喺遊戲內登場。每名角色同陸行鳥唔單止喺外觀上有差異，擁有嘅技能也都各有不同，玩家可以嘗試唔同嘅搭配，搵一個啱自己的玩法。

雖然遊戲已經推出，但就小熊測試，手機版暫時都有塞車情況發生，進入唔到遊戲，只得黑畫面，可能需要啲時間等官方去處理一下。

『FINAL FANTASY BRAVE EXVIUS Chocobo Run！』

遊戲平台：facebook 及 "Messager"
費用：免費
遊戲類別：動作

玩法1：
1）安裝智能電話嘅facebook附屬app -『Messenger』
2）喺『Messenger』內搜尋『FFBE』
3）揀『FFBE Chocobo Run！』- 玩遊戲

玩法2:
Click - 直接玩