《BEASTARS》係日本漫畫家板垣巴留所繪製嘅漫畫作品，於2016年9月8日出版嘅《週刊少年Champion》上連載，佢曾經喺2018年嘅「這本漫畫真厲害！」上獲得第二位，累計發行量已超過60萬份，可算係相當受歡迎嘅作品！

《BEASTARS》嘅故事背景係一個草食動物同肉食動物共存嘅世界，初高中直升寄宿制嘅切里頓學院中，一名叫提姆嘅羊駝被咬死－－呢個最大禁忌亦係兩種族間無法跨越嘅溝壑；同屬演藝社，心思細膩卻沉默寡言嘅青年狼雷格西卻被懷疑係犯人……之後佢同各種動物相遇交際，展開咗充滿青春活力嘅故事。雖然呢個作品係描述擬人化動物嘅高中生活，但並唔係一個傳統嘅溫馨故事，而係一個表面上平靜但內裏扭曲，人類被動物所取代嘅人性化世界，佢嘅內容描繪咗穿越種族嘅友誼同愛情，以及之間嘅矛盾。

而最近就有消息傳出，《BEASTARS》將於《週刊少年Champion》No.10（2019年2月7日發行）有重大消息發表，外界就估會唔會係《BEASTARS》將會動畫化呢？不過一切都仲只係猜測，要到2月7號先有真相喇！