自從摩連奴離任後，曼聯近期表現可以話達到巔峰，除左已經殺上前四之外，更有機會挑戰前三位置。而曼聯能夠表現出眾，除左新帥蘇斯克查領軍有方之外，門將迪基亞絕對係不可或缺嘅功臣。

本來摩帥離任後，迪基亞已經改變態度願意與曼聯展開續約談判，但事情目前已經陷入膠著狀態，因為曼聯並未願意接受迪基亞開出嘅條件。

要想續約，迪基亞要求曼聯為佢開出一份球隊最高薪嘅合同，亦即係至少要與40萬鎊週薪嘅山齊士持平。對於呢個要求，曼聯並未一口答應，佢地為現時20萬鎊週薪嘅迪基亞開出一份35萬鎊週薪嘅合同，但目前已經被迪基亞拒絕了。

對於繼續效力曼聯，迪基亞表示願意的，但前提係續約價錢要合適，而曼聯目前仍然唔肯答應，因此雙方嘅續約談判並未有進一步消息。

而早喺去年11月，曼聯已經執行左迪基亞嘅自動續約1年條款，因此佢將至少可以效力球隊至2020年夏天，而曼聯亦因此有更多時間與佢傾談續約。