19年前美國隊喺奧運會上再一次奪得金牌，球隊陣中粒粒皆星，好似Gary Payton、Ray Allen、Jason Kidd、KG、Vince Carter等等。而要數呢一屆美國隊最精彩嘅時刻，相信就絕對係Carter飛越7呎巨人完成驚天地泣鬼神嘅傳奇入樽。

雖然Carter嘅呢個入樽可能係籃球史上最精彩嘅入樽之一，但這都不足以令佢獲得美國隊比100萬美元佢。

不過，日前傳奇大前鋒Kevin Garnett則透露，原來當年嘅美國隊隊內有一個打賭，而打賭嘅對象竟然係首戰嘅對手，中國傳奇中鋒姚明。

KG表示:「大家可能唔知，我地喺姚明身上進行打賭，就係邊個可以首先喺姚明頭上完成入樽，咁就可以獲得100萬美元。我地各人都嘗試喺佢頭上入樽，但最終一係就被佢封走，一係我地自己扣失。」

「所以，其後當Carter完成那一記驚天入樽，我想到嘅第一件事就係100萬美元是你的了！但後來我意識到那一位並唔係姚明。而當下，我推了Carter一下，佢幾乎揮拳打中我，但我當時第一個想法就係，你贏了，你贏了100萬美元了。」

2000年奧運嘅時候，姚明都只係19歲，佢仲未加入NBA(姚明為2002年狀元)，但NBA嘅球探已經非常留意呢位中鋒，而美國隊嘅球員願意喺佢身上打賭，亦側面說明佢地其實非常看重呢位球員，否則都唔會拎100萬美元巨額黎輸賭。