洛賓與列貝利可以話係雙翼時代嘅代表組合之一，佢地二人由2009年在拜仁慕尼黑開始合作，今季已經係第十個年頭。不過有聚就有散，繼洛賓去年年底宣佈將離開拜仁後，日前拜仁高層亦宣佈列貝利今夏亦都會離隊。

據拜仁管理層表示，繼洛賓已經確認今夏會離隊後，球隊亦宣佈列貝利今夏將與洛賓一同離隊。兩位球隊曾經嘅絕對核心一齊離隊，拜仁亦高度關注，並表示將會為二人共同舉行告別賽，甚至不惜犧牲聯賽冠軍。

消息指，35歲嘅列貝利當然想繼續效力拜仁，直至佢唔能夠再跑得郁，但係近年佢嘅表現已經下滑，所以拜仁亦已經無意留佢，而球隊預計列貝利未來仍然可以再踢1-2兩年，並喺佢掛靴後為佢安排在球隊內嘅工作。

在洛賓及列貝利合作嘅10年期間，佢地一共為拜仁帶來7屆德甲冠軍、4次德國盃冠軍、5次德國超級盃冠軍、1次歐冠盃冠軍及1次歐洲超級盃冠軍，其中2012-13球季更帶領球隊成為歐洲三冠王。對於二人為球隊帶來嘅榮譽，拜仁代表亦報以肯定，並非常感謝二人為球隊嘅付出。

列貝利在2007年由法甲球隊馬賽加入拜仁，至今一共為球隊上陣414場攻入122球，係拜仁一個時代最具代表性嘅人物之一。

而洛賓則在2009年由皇馬加入拜仁，上陣了305場攻入143球。