個個大牌子都推出降噪耳機，唔通個個都咁想出降噪耳機咩！？真的，微軟、蘋果、連戲院音效的杜比立體聲都推出其降噪耳機，全球最大的電腦生產商點可以唔把握機會為旗下電腦配對耳機，邊個是最大電腦生產商？Lenovo聯想電腦即以前IBM囉，佢地近日在MWC展會推出左新的Yoga系列電腦產品，當中有一款同名的Yoga主動降噪耳機。功能都好強大，擁有主動消噪（ANC）和環境聲消除（ENC）功能，佢除左同手機藍芽音響等連接，同電腦平板尤其聯想電腦的連接都極度方便，大家又多個選擇。

Lenovo的Yoga耳機對電腦的支援特別到位強大，包括有語音操控，同專門針對會議、Skype 通話而設的Smart Voice Pickup，讓你可以在娛樂和通話間進行切換，用來打機食雞都可能唔錯。聯想自稱音質方面有落重本，採用Dolby 調音的單元，號稱可以提供「音響級別聲音」。耳機一如現行基本配置支援藍牙 5.0同時支援手機、平板和電腦，除了無線方便電腦用家也能以 USB-C接線連接使用，而且可以折疊易於收藏。據知耳機可在約2小時內完全充電，並可以連續播放 15 小時

耳機分兩個顏色，因著顏色唔同名字也有不同，白色名叫 Yoga ANC，而黑色的則叫作 X1 ANC，而兩者除名字和顏色其他配備一樣，耳機都係以矽膠皮革和高級塑膠製造，配合有金屬作修飾，重量是200g 以下。

中國聯想的 Yoga 降噪耳機將會於六月率先在歐洲發售，價格為 158 歐元。相信作為一個中國香港人都想知點解唔在亞洲尤其中國地區先出售？！