皇馬今季四大皆空基本上已成事實，因此不出所料的皇馬決定更換教練，蘇拿利即時下台。不過勢估唔到嘅係，去年自行請辭嘅施丹竟然決定再次執教起銀河艦隊。不過願意再度執起皇馬教鞭，說明施丹已經與皇馬主席佩雷斯達成協議，呢位法國傳奇球員兼教練將會擁有前所未有嘅權力，佢將可以打造一支真正屬於施丹嘅皇馬。

據報導指，佩雷斯已經初步答應施丹今夏將擁有3億鎊嘅資金進行收購球員，再加埋將會被清洗嘅球員，預計施丹今夏隨時有4億鎊進行收購。

而對於究竟收購邊位球員，有指第一位被施丹點名嘅係車路士中場簡迪，呢位中場今季在車路士並未能在自己最佳位置上發揮，而同為法國人，施丹絕對知道簡迪能夠發揮最高價值嘅位置必定是防守中場。

而此前一直對加盟皇馬有興趣嘅麥巴比亦都係皇馬嘅目標之一，再加上尼馬及夏薩特，皇馬今夏看似必定會在三人之間選取一人。而佩雷斯接受訪問時被問到如果要收購尼馬及麥巴比其中一人，佢會揀邊個？佩雷斯揚言：「兩個我都要！」雖然看似只係主席大人隨口講，但經歷今季嘅失敗，皇馬投入巨大資金收購巨星絕對唔係無可能的。而與簡迪一樣，麥巴比都係法國人，所以在施丹手下效力絕對係更明智嘅選擇。

Real Madrid President Confirms Kylian Mbappè and Neymar Jr interest, one of them is the next Galactico. pic.twitter.com/JRMI1F2knB

— Mike (@MikeCity_) 2019年3月11日

另一邊廂嘅夏薩特，雖然車路士方面被FIFA判罰不能再收購球員，但由於夏神已經明確表態非皇馬不簽，為免2020年夏天人財兩失，車路士可能只有屈服呢一條路行。當然車路士仍然有一拍兩散呢條路行，但係最終可能都係雙輸嘅局面。

既然搵得施丹翻黎為皇馬重整旗鼓，佩雷斯今夏絕對唔係講玩，佢絕對會要求施丹重新打造一支可以殺入歐聯決賽，甚至再奪歐聯冠軍嘅無敵之師，而同時買晒尼馬、麥巴比及夏薩特增強攻力亦絕對唔係痴人說夢話。