由「萬人迷」碧咸組軍嘅足球隊邁阿密國際(Inter Miami)將於明年正式登陸美職聯，但目前為止球隊仍然處於雷聲大雨點小嘅狀態，因為佢地暫時都未簽得任何大牌球員。不過，作為足球界嘅傳奇，碧咸表示自己嘅夢想係同時簽下目前地上最強二人：美斯及C朗拿度！

明年就會正式喺美職聯亮相嘅邁阿密國際，去年11月已經落實會興建一個可以容納25000人嘅球場，同時其收購行動目前已經陸逐展開，而要數作為班主嘅碧咸最想簽邊位球員嘅時候，「萬人迷」直言夢想當然係簽下美斯及C朗拿度兩位最頂級嘅球星。

碧咸表示：「每個人都有自己嘅願望清單，但如果你睇下而家嘅美斯及C朗拿度正處於最頂級嘅水平，即使佢地已經處於球員生涯嘅後期，而我亦未見到究竟佢地嘅終點喺邊。」

「由於佢杜嘅水平仍然非常高，所以要佢地離開球隊係非常困難的，但我地可以放長雙眼，因為足球世界咩都有可能。」

就碧咸上面所講，佢雖然非常想簽下美斯同C朗拿度，但佢都知而家嘅階段基本上係無可能的。不過，C朗已經34歲，即使佢如何自律及勤力，仍然難逃時間呢個最大嘅敵人，所以再過幾年其競技水平開始下降之時，可能就係碧咸出手嘅時候。

而美斯如今都只係31歲，所以想簽佢可能都要再過多三五七年，但由於美斯極有可能會留喺巴塞終老，所以碧咸要簽佢相信要比簽C朗更加困難。