上回Netflix推出首個互動選項的電視劇《黑鏡：潘達斯奈基》，在自由選項中呈現無法選對的暗黑故事。唔知大家有無參與又覺唔覺得比Netflix玩緊？不過可以肯定的是呢個新玩法係有趣又可行的新玩意，4月10日Netflix又推出全新的互動節目，今次唔再玩黑暗可怕，轉玩野外求生，以互動選擇同大自然搏鬥。今次節目名稱《You vs. Wild》《貝爾對戰荒野》，由著名野外求生冒險家Bear Grylls主演冒險真人show, 貝爾下一步點揀，行定爬上定落就由你話事，觀眾看來第一次真正可以作主話事(上回黑鏡玩過都知咩事！) 《You vs. Wild》連預告片都有得選擇有得玩，放工無咩想做，野外冒險都可能是新嘗試，玩到Bear Grylls跌死都唔覺得痛。

由於係一部玩互動選項的野外求生片，所以又唔能夠算得上是紀錄片，但又是野外實拍，其實每一個故事動向都係實際的野外紀錄。所以呢種新嘗試幾有趣，個人認為更類似於遊戲真人show。要拍呢種冒險風格的述事方式，劇組必須要以每個選項的場景拍兩次以上，拍攝的功夫大增，而且由於是野外景，內容是野外的生存例如食蟲定食草等等，同大家玩開的RPG遊戲又有不一樣的風味，所以新鮮感是絕對有！

由你去決定下一步點做？正確還是錯誤？又如何？死又唔係我死！？不過可以肯定，玩呢種互動影片，一定會唔止睇一次？好多人都會有心重回再選睇另一種選項會發生咩野結果。所以呢種電視劇的點擊率同收視一定比正常的劇集高，除非特別爛！呢套《You vs. Wild》《貝爾對戰荒野》個人認為值得期待。順帶一提，節目有中文配音，當你聽到「國語」(Netflix無中國市場，台灣好像叫國語！)配音時唔好嚇到熄機，Netflix是可以選項原聲英文配音。

You vs. Wild將於4月10日上映，Netflix又比你玩，希望今次唔好比佢玩你！？