{ SKIP }
文:MenClub 波特先生  圖:互聯網
POSTED ON 12 Apr 2019

NBA最年輕嘅MVP Derrick Rose,經歷左兩次大傷之後今季打出回春表現,甚至可以與其奪得MVP嘅賽季相提並論,令唔少球迷感到非常驚喜。可惜嘅係,Rose再一次因為手肘受傷而報銷,令人再次擔心其生涯是否又亮起紅燈。

現年30歲嘅Rose,過去兩季都效力木狼,而黎到今夏佢將會再次成為自由球員,究竟佢可以留喺木狼?定還是加盟其他球隊?甚至佢會唔會選擇就此退役離開NBA呢?

有消息指,Rose嘅經理人表示佢地正積極考慮讓Rose回歸公牛,佢認為Rose仍然係一名非常有實力嘅球員,所以佢唔排除任何可能性,而佢地亦都會了解清楚公牛嘅需要。

經理人又表示,喺Rose心目中公牛一直長存,而佢地唔知公牛會有咩下一步行動,但如果佢地想招攬Rose,咁佢地會保持開放嘅態度。

作為公牛當年選中嘅狀元,Rose喺球隊慢慢成長為一名超級巨星,並喺2011年奪得常規賽MVP,成為NBA歷史最年輕MVP得主。不過,其後因為膝部重創Rose需要長期休養,最終離隊轉投過紐約人、騎士及現在的木狼。

對於Rose黎講,芝加哥一直係佢嘅家,佢表示自己永遠都唔會離開芝加哥,佢仍然喺芝加哥有自己嘅居所,而其兒子亦都會喺呢個地方成長。

對於公牛嘅球迷黎講,佢地都非常希望球隊可以重新簽回Rose,並讓佢未來可以喺球隊退役。當然現在Rose應該未有退役嘅想法,但其身上已經有非常多嘅傷患,能否繼續長時間支撐落去令人擔心,所以真係唔知到Rose會否完成下一季後就會選擇退役,真心希望佢可以健康繼續打落去呢!

童年回憶,閃卡算係一種。依家直頭印埋上件Tee度,繼以高達為主嘅第一彈後,輪到自護哩邊發圍啦!第二彈全部都係自護,自護萬歲! 主要係可以將以前閃卡見到嘅閃光效果印嘅鏡頭(眼)同埋一啲有搶眼啲嘅位置,有 ...
hobby
閃閃發光嘅自護Tee,自護萬歲
21 Apr 2019
【選擇鄭中基定死侍配音?】《POKMON神探Pikachu》粵語配音版預告出爐 《POKMON神探Pikachu》由最初大家觀望狀況,到愈來愈似樣,全球觀眾開始有期待之勢,外國主力可能因為死侍Ryan Reynolds努力加持,當然再加 ...
hobby
【選擇鄭中基定死侍配音?】《POKÉMON 神探 Pikachu》粵語配音版預告出爐 ... ... .. ...
20 Apr 2019