賽車飄移可能你第一時間只係諗到喺《頭文字D》先會出現，要喺香港睇到機會真係少之又少。不過，日前香港正式擁有第一位飄移車手，佢就係將會代表堅固金業 偉恒行 D-MAX RACING 車隊出戰黎緊日本 D1 職業飄移錦標賽嘅香港本地車手伍家麒(Charles Ng)。

日前，伍家麒與D-MAX車隊進行簽約儀式，正式加盟至車隊旗下，並且同時宣佈我地呢位香港車手將會駕駛D-MAX S15 SILVIA 戰車出戰6-11月舉行嘅飄移賽事。

大家可能對伍家麒唔係太有認識，其實佢自小已經迷上賽車及飄移，其後喺美國讀大學期間被發掘參加賽車比賽。之後Charles便開始鑽移賽車及飄移技術，最後成功參加業餘飄移比賽，並成功奪得冠軍。就係咁，Charles就開始參加各項飄移比賽，甚至喺2017年亦都成功被提名參選香港傑出運動員。今年，Charles希望可以挑戰D1飄移錦標賽嘅冠軍，以此證明華人都有能力登上飄移嘅世界最高年台嘅頂峰。

真係唔好以為好似阿木咁講，飄移只係「一入彎 拉一拉手制 架車bei一bei」咁簡單，佢對車手嘅反應及技術要求係非常之高的，稍一出錯車就會好大機會失控。

而黎緊Charles將會參戰嘅比賽D1GP嘅比賽規則如下：

D1GP 每場賽事有超過四十位車手參賽。車手首先要通過首日單走排位賽，每位車手有兩次機會單獨在賽道上以飄移狀態行駛，電子定位 DOSS 系統根據整體速度、飄移角度及轉身角度轉變等計分，以最高分的一次決定排名，得分最高的十六位車手進入次日的追走賽。追走賽採用一對一淘汰方式，排位第一車手對戰排位第十六車手，如此類推，每對要輪流追車一次，首先由排位較低的車手追車。DOSS 系統計出前車的單走分數，再由一位裁判在此分數上對後車加或減分，追得越近、加分越多，之後輪到排位較高的車手追車，最後比較兩次追走，較高分的一方便能晉級，若分數相同便要進行 One More Time 多一次對戰決勝。