{ SKIP }
文:MenClub 波特先生  圖:互聯網
POSTED ON 03 May 2019

前巴塞中場大師沙維今日正式對外宣佈,今季結束喺Al Sadd嘅賽季後將會掛靴,結束球員生涯。

現年39歲嘅沙維,2015年離開巴塞加入卡塔爾球隊Al Sadd,並助球隊奪得多個冠軍。而原本沙維上季已經想掛靴,但最終改變計劃,黎到今季結束後先正式結束球員生涯。而退役後,沙維有意成為教練,繼續自己嘅足球事業。

沙維表示:「今季係我最後一個賽季,但我好期待自己未來成為一名教練。」

「而我作為教練嘅理念係黎自告魯夫及拉馬西亞,並且源自足球界最具代性嘅球隊巴塞隆拿。」

「我鍾意睇到球隊喺場上採取主動及進攻,而回歸童年時我所喜愛足球嘅本質,就係控球。」

1991年只有11歲嘅沙維正式加入巴塞隆拿青訓,訓練6年後升上巴塞B隊。1998年仍然作為巴塞B隊嘅沙維有機會成為一隊嘅臨時球員,直到1999-2000球季,沙維終於正式加入巴塞一隊,成為球隊嘅未來。效力巴塞一隊17個球梯,沙維一共為球隊上陣767場,攻入85球,為球隊帶來8個西甲冠軍、3個國王盃冠軍、4個歐聯冠軍、6個西超盃冠軍、2個歐超盃冠軍及2個世冠盃冠軍。另外,國家隊方面,佢亦協助西班牙喺2010年首次奪得世界盃冠軍,而歐國盃則分別喺2008及2012年奪得冠軍。

相信未來沙維成為教練後,其球隊必定著重控球在腳,技術要求必定非常高。又或者,沙維未來會唔會重返巴塞,成為球隊嘅教練呢?

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025