《阿拉丁》動畫唔知大家有無睇過？當年係1992年上映的動畫版電影，即同古惑仔同年代產物，而當年《阿拉丁》係票房冠軍來，全球總票房更超越五億美元，榮獲兩項奧斯卡大獎。威過，就算唔記得都應該識燈神吧？唔係賭波買波個D燈神，係用手摸摸會彈出來個隻「燈神」，然後就會同你講，我可以滿足你三個願望！？當然有年資的朋友都知道，同燈神講野唔可以加助語詞，尢其同性器官相關的粗口，因為傳統的燈神係好認真的魔人，你要好x多的女，你的女女就會有好多x！

言歸正傳，在迪士尼神奇魔法下大家熟悉的主角阿拉丁和茉莉公主仲有燈神真人再現，滿滿的情懷，奪寶歷險、魔毯飛天盾地、環遊世界等經典場面通通還原，通過最新特技，用真實世界的方式真人呈現，可以做到幾多驚喜又有幾大吸引力呢？韋史密夫的燈神造型係網上係引發過熱烈的討論，大家對佢呢個造型可能暫時仲係感覺怪怪。至於阿拉丁和茉莉公主，今次係由人氣新星文拿馬蘇 (Mena Massoud) 和娜奧美史葛 (Naomi Scott) 擔演，兩位分別有埃及和印度血統的靚仔靚女，印度feel強，—睇就知喜感十足，異國風情算這種！其實我覺得茉莉公主的確係幾「正」....

當年《阿拉丁》動畫電影其中一個最紅的是歌曲，主要來講有兩首歌「A Whole New World」和「Friend Like Me」都曾經熱播過，唔知你記唔記得？不過好多人對迪士尼的歌曲只記得「Let it go」今次迪士尼出的全新真人電影，將會由知名音樂人亞倫孟肯 (Alan Menken) 負責歌曲和配樂，將經典金曲「AWhole New World」和「Friend Like Me」重新編排，另外仲有《星聲夢裡人》(La LaLand)的音樂人合寫兩首全新歌曲，所以音樂上都可能有驚喜，仲提醒一下你，迪士尼係拍音樂劇起家的。

綜合來講，唔知你睇完個預告同真實的場景，有無興趣入場，支持一下迪士尼經典的動畫真人版《阿拉丁》呢？

《阿拉丁》真人大電影將於5月23日上映

【故事大綱】追求自由的茉莉公主逃出皇宮，邂逅了街頭小子阿拉丁。阿拉丁卻被邪惡大

臣賈方捉走，要他去魔法洞穴盜取神燈。阿拉丁在洞穴裡遇上神燈精靈，獲許三個願望，

讓他化身成為王子，與茉莉公主展開飛天遁地的歷險，更聯同燈神一起對付賈方！