前曼聯領隊「足球天才」莫耶斯日前接受媒體訪問，佢認為而家嘅曼聯同佢當日離開嘅時候無任何分別，根本無任何進展，球隊必須繼續去支持自己嘅領隊。

自從費格遜領隊宣佈結束執教曼聯嘅生涯退休，曼聯一直尋找適合嘅接班人，而當年費Sir退休後第一位上位嘅紅魔領隊就係莫耶斯，但最終佢未能取得成功，並只係執教左9個月就被辭退。

自從莫耶斯離任後，曼聯4個賽季用左3位領隊，佢地分別係：雲高爾、摩連奴及蘇斯克查，但結果都係同莫耶斯一樣，球迷都係見到唔曼聯有任何提升。

實際黎講，曼聯嘅情況又唔算非常差，佢地呢幾年都有拎到冠軍，其中雲高爾期間拎過足總盃冠軍，而摩連奴期間則更加拎過聯賽盃及歐霸盃冠軍。

不過喺聯賽方面，曼聯自從莫耶斯離任後，排名基本上無咩變化。上季喺摩連奴嘅帶領下，球隊尚且拎到聯賽亞軍，但黎到今季球隊大幅落後比曼城及利物浦，足以證明佢地之間有幾大嘅距離。

另外，自從莫耶斯離隊後，曼聯合計大約花費左5億鎊去改善球隊陣容，但莫耶斯卻表示如今嘅曼聯仍然存在當時佢要面對嘅問題，言下之意即係球隊並未有顯著改善。

莫耶斯又表示：「當我接手曼聯時，你需要改變球隊及球員，但呢啲都係需要時間的。而我覺得我離開球隊4年後，球隊嘅改變基本上係沒有的。情況都係好似的，佢地口裡話要改變，並說一定要完成。」

雖然喺曼聯未能取得成功，但係莫耶斯仍然希望曼聯要支持蘇斯克查，並且要恢復過去一直擁有簽下未來巨星嘅計劃。