經過劣評如潮的一週後，快將結束的《權力遊戲》第8季成為史上最令人失望的神劇，所謂神鬼兩不分，現在兩大指標性電影網站的評分Rotten Tomatoes及IMDb直線向下，昨日我地已經講過大家的失望潮，點知我地都係低估左國外粉絲的心碎力，於是有人網上發起聯署簽名運動，要求HBO推倒重來，搵個有能力的編劇，重寫劇本重拍第八季的《權力遊戲》。目前有23萬人簽名，人數更加在急速上升當中，重拍指日可待，不如咁,拍的多幾個版本，每個方式贏一次每邊再黑化一次，睇下邊個最受歡迎再搞多個頒獎禮公眾投票，反正長玩，玩盡佢！

 呢兩個編劇呢次真係身敗名裂啦！！

目前為止已集合23萬多個簽名，HBO相信都應出來回應一下大家的訴求。發起簽名運動人在請願書指出：「當《權力遊戲》兩位編劇人David Benioff 與D.B. Weiss冇原著（即原作者的書）可以根據時，佢哋已經證實係可悲兼無能。呢個系列值得擁有更好嘅最後一季。 HBO，請兌現大家期望！」

《權力遊戲》大結局將於美國時間本周日晚上九點播映。相信無論現行結局係點都無可能令到觀眾對呢一季有滿意的回憶！重拍可能是一個有趣而可行的新玩法！其實何樂而不為！！

聯署連結:

https://www.change.org/p/hbo-remake-game-of-thrones-season-8-with-competent-writers

如果你都不滿GOT簡第八季劇情，你都一起簽聯署，重拍玩大佢！