陪住各位80後成長嘅玩具電影，原定喺第3集時就完結，早前公佈今年六月將會播放最新一集《Toy Story 4》。雖然一直都有出開大量玩具嘅Toy Story，一直都無出模型，就算之前嘅可動淫賤胡迪都只係成品類，直至射出模型大國B廠出手，終於推出模型，仲要有埋最新Figure-Rise 技術。

用上Figure-Rise 技術，成對眼都唔駛用貼紙，全身各種花紋配件更加唔駛講啦！買返去砌完少量滲線已經好完美。附帶有3個表情嘅可換面，再配全埋多款造型手，絕對重演到戲中嘅各種情節。細緻到連腳底嘅「ANDY」字眼都有做埋，不過相信貼紙解決居多。

哩對孖寶，點可以單支公咁推出呀，雖然未有詳細資料，但都確定咗將會推出，而同比起胡迪，巴斯本身嘅設定將會更加配合到模型嘅設計。

除咗更君配合，可玩性亦更高。亦都重現到戲中對翼可以彈出嘅機關。但相比起胡迪，眼見貼紙量應該多好多。好彩係原本玩具都有嘅貼紙嚟。

模型唯一缺少嘅係配件，無咗啲手持工具。睇嚟又要大家發揮一下當年淫賤胡迪嘅創意啦!

《Toy Story 4》胡迪模型

推出日期：2019年7月預定
售價：3,000円