一場奇蹟接一場奇蹟，繼利物浦逆天改命反勝巴塞4:3晉身歐聯決賽後，尋晚熱刺亦都一樣下半場狂入三球，憑住作客入球逆轉阿積士，將與利物浦喺歐聯決賽進行「雙英對決」。

作為被寄予厚望，甚至以為已經手握歐聯決賽入場券嘅美斯，則可能承受了相當大嘅打擊，據報落敗後嘅美斯喺更衣室入面痛哭。

而更令美斯沮喪嘅係，已經大受打擊嘅佢被抽中需要進行反興奮劑檢查，所以一眾隊友及教練並唔有等美斯就已經提早離開球場，呢位球隊核心則需要多留喺球場接近2小時後，才獨自離開呢個傷心地，並喺機場匯合一眾隊友及職員。

可以睇到，美斯喺離開球場一刻，一眾記者都希望可以獲得對方對比賽嘅回應，但相信心已碎嘅美斯則無視一眾記者，眼神空虛咁獨自離場...不過真係無計，成敗論英雄，美斯只有寄望下個賽季了。

La cara de Leo Messi al pasar por la zona mixta de Anfield. @ellarguero pic.twitter.com/NVrz8DG8Zm

— Adrià Albets (@AdriaAlbets) 7 May 2019